രാജ്യത്ത് സംസ്ഥാന സര്‍ക്കാര്‍, കേന്ദ്ര സര്‍ക്കാര്‍, ബാങ്കുകള്‍ എന്നിവ വ്യവസായം ആരംഭിക്കുന്നതിനാവശ്യമായ പരിശീലന പദ്ധതി നടപ്പിലാക്കുന്നുണ്ട്. ഈ സ്ഥാപനത്തില്‍ രണ്ടോ മൂന്നോ ദിവസം, ഒരാഴ്ച, രണ്ടാഴ്ച എന്നീ കാലയാളവിലുള്ള സൗജന്യമായ പരിശീലനം ലഭിക്കുന്നതാണ്

ഒരു വ്യവസായ സംരംഭം ആരംഭിക്കുന്നതിന് വേണ്ടി നിങ്ങള്‍ എന്തൊക്കെ ചെയ്യും? നിരവധി വിവരങ്ങള്‍ ശേഖരിക്കുക, വ്യവസായ സ്ഥാപനങ്ങള്‍ സന്ദര്‍ശിക്കുക തുടങ്ങിയ നിരവധി കാര്യങ്ങള്‍  ചെയ്യും. പക്ഷേ വ്യവസായം ആരംഭിക്കുന്നതിന് പരിശീലനം ആര്‍ജ്ജിക്കണമെന്ന് നിങ്ങള്‍ ചിന്തിച്ചിട്ടുണ്ടോ? മുന്‍ പരിചയമില്ലാത്തവര്‍ വ്യവസായം ആരംഭിക്കുന്നത് മുമ്പ് പരിശീലനം നേടേണ്ടത് അനിവാര്യമാണ്. 

രാജ്യത്ത് സംസ്ഥാന സര്‍ക്കാര്‍, കേന്ദ്ര സര്‍ക്കാര്‍, ബാങ്കുകള്‍ എന്നിവ വ്യവസായം ആരംഭിക്കുന്നതിനാവശ്യമായ പരിശീലന പദ്ധതി നടപ്പിലാക്കുന്നുണ്ട്. രാജ്യത്തെ എല്ലാ ജില്ലകളിലെയും അതാത് ബാങ്കിന്റെ ലീഡ് ബാങ്കിന്റെയോ അല്ലെങ്കില്‍ മറ്റു ബാങ്കിന്റെയോ നേതൃത്വത്തില്‍ ആര്‍സെറ്റി എന്നറിയപ്പെടുന്ന സംരംഭകത്വ പരിശീലന സ്ഥാപനം നടക്കുന്നുണ്ട്. കേരളത്തിലെ സംരംഭ പരിശീലന സ്ഥാപനങ്ങളുടെ ഏകോപന ചുമതല അതാത് ജില്ലയിലെ ലീഡ് ബാങ്കിനാണ്.

വ്യവസായ എസ്റ്റേറ്റുകളിലെ യൂണിറ്റുകള്‍ക്ക് 500 കോടി വായ്പാ സഹായവുമായി കേരളാ ഫിനാന്‍ഷ്യല്‍ കോര്‍പറേഷന്‍... Read More

ഈ സ്ഥാപനത്തില്‍ രണ്ടോ മൂന്നോ ദിവസം, ഒരാഴ്ച, രണ്ടാഴ്ച എന്നീ കാലയാളവിലുള്ള സൗജന്യമായ പരിശീലനം ലഭിക്കുന്നതാണ്. പ്രൊജക്ട് റിപ്പോര്‍ട്ട് തയ്യാറാക്കുന്നതിനെ കുറിച്ചും വിവിധ ലൈസന്‍സുകള്‍ ലഭിക്കുന്നതിനെ കുറിച്ചും പരിശീലനം ലഭിക്കും. കൂടാതെ വിജയിച്ച സംരംഭകരുടെ സ്ഥാപനം സന്ദര്‍ശിക്കല്‍, വിജയിച്ച സംരംഭകരുമായി ആശയവിനിമയം നടത്തല്‍ തുടങ്ങി സംരംഭം തുടങ്ങുന്നതിന് ആവശ്യമായ എല്ലാകാര്യങ്ങളും അവിടെ നിന്ന് മനസിലാക്കാം.

ഇതു കൂടാതെ ജില്ലാ വ്യവസായ കേന്ദ്രങ്ങളും താലൂക്ക് വ്യവസായ കേന്ദ്രങ്ങളും സംരംഭകത്വ വികസന പദ്ധതികള്‍ നടപ്പിലാക്കുന്നുണ്ട്. കേരളത്തില്‍ എംഎസ്എംഇ ഡെവലപ്‌മെന്റ് ഇന്‍സ്റ്റിറ്റ്യൂട്ടും എംഎസ്എംഇ ട്രെയ്‌നിംഗ് ഇന്‍സ്റ്റിറ്റ്യൂട്ടും വിവിധ ഏജന്‍സികളുമായും സന്നദ്ധ സംഘടനകളുമായും ചേര്‍ന്ന് പരിശീലന പരിപാടികള്‍ നടത്തുന്നുണ്ട്. എന്‍ട്രപ്രെന്‍ഷിപ്പ് ഡെവലപ്പ്‌മെന്റ് ഇന്‍സ്റ്റിറ്റ്യൂട്ട് ഓഫ് ഇന്ത്യ(ഇഡിഐഐ)യുടെ നേതൃത്വത്തിലും പരിശീലന പരിപാടികള്‍ സംഘടിപ്പിക്കുന്നുണ്ട്.

ലോണ്‍ എടുക്കുമ്പോള്‍ മാത്രമല്ല വാഹന ലോണ്‍ അടച്ചു കഴിഞ്ഞാലും ചില കാര്യങ്ങള്‍ ശ്രദ്ധിക്കേണ്ടതുണ്ട്... Read More

ഇവയൊക്കെയാണ് പ്രധാനമായും കേരളത്തില്‍ സ്ഥിരമായി നടത്തുന്ന സൗജന്യ വ്യവസായ പരിശീലന പദ്ധതികള്‍. മറ്റു പല സ്ഥാപനങ്ങളും സൗജന്യ പരിശീലനങ്ങള്‍ നല്‍കുന്നുണ്ടെങ്കിലും അവയൊക്കെ പ്രത്യേക സ്ഥലത്തിനെ കേന്ദ്രീകരിച്ചാണ്. പരിശീലന പരിപാടികളില്‍ പങ്കെടുത്തുന്ന സര്‍ട്ടിഫിക്കറ്റ് ഉണ്ടെങ്കില്‍ ബാങ്ക് വായ്പകള്‍ ലഭിക്കാന്‍ മുന്‍ഗണന ഉണ്ടായിരിക്കുന്നതാണ്. ഇത്തരത്തില്‍ പരിശീലനം നേടി കൃത്യമായ അറിവോടു കൂടി വ്യവസായം ആരംഭിക്കുകയാണെങ്കില്‍ ഉറപ്പായും സംരംഭത്തില്‍ വിജയം കൈവരിക്കാന്‍ സാധിക്കും.